Сундар Пишаи, генералниот извршен директор на Google, најави фантастична инвестиција во Велика Британија вредна 1.2 милијарди долари без оглед што државата се соочува со Брегзит и излез од рамките на Европската Унија. 

Овој потег и не е изненадување со оглед на тоа што ЕУ води сериозна истрага против Google за монополска позиција на пазарот и ќе бара огромна казна од десетина милијарди долари, па ако интернет гигантот оперира од Лондон тогаш ќе може да продолжи со својата политика на комбинирање на сите сервиси за десктоп и мобилни корисници и различните апликации под нивна капа.

Google планира да отвори и 3000 работни места до 2020-та година, а ќе инвестира и во локалната IT заедница со вложување во повеќе технолошки компании чии услуги и иновации ќе ги примени во своите софтверски производи.