Претседателот на Србија, Александар Вучиќ денеска изјави дека смета оти ќе се почитува одлуката на МУП кога станува збор за најавената прошетка во рамки на „Европрајд“.

- Мислам дека утре ќе се почитува законот и одлуката на МУП. Не би навлегувал во понатамошни дискусии. Нема да се занимавам со коруптивно наметнатата тема на српскиот народ. И тие што се за и тие што се против се сите заедно во хибридна војна против својата земја. Утре е прекрасен настан за младите офицери на Војската на Србија и сега не можам да зборувам за тој убав настан, бидејќи сите ме прашуваат за парадата. Како што не можам да ги разберам овие што сакаат да шетаат, па не им даваат на овие другите, и обратно, да не им даваат на овие другите и обратно, па тогаш за сето тоа да ја напаѓаат Ана. Ни треба нормална Србија во иднина ако сакаме да опстанеме – рече Вучиќ.

Тој се осврна и на навредите упатени до премиерката Ана Брнабиќ.

- Не и се извинија. Замислете ги тие херои, ги имаше стотици, а таа беше една, а потоа мажите дојдоа да и кажат дека е бедна. Таа направи за нив повеќе од кој било премиер досега. Ни треба нормална Србија во иднина ако сакаме да опстанеме.

Да потсетиме, МВР ја забрани Парадата на гордоста, прошетка во рамките на Европрајд 2022, која е планирана за сабота на 17 септември. Причината е безбедноста, бидејќи за тој ден е закажан контра собир и постои опасност од конфликт меѓу двете групи.