Во фокусот на овогодинешниот саем за градежништво ќе бидат проектите „Купи куќа, купи стан“ и „Купи куќа за млади“.

Најавени се големи понуди и поволности за купување на стан или куќа, на саемoт, кој ќе се одржи од 1-ви до 5-ти март.

Четиринаесет општини ќе понудат земјиште за изградба на куќи, а над 300 компании ќе им ја претстават на граѓаните понудата за купување на стан или куќа.

Ќе се изложат и производи за реновирање и опремување на објектите.

Меѓу општините кои ќе ги претстават расположливите плацеви за куќи се вбројуваат Прилеп, Василево, Гевгелија, Виница, Петровец, Илинден, Карпош, Кочани, Свети Николе, Сарај, Сопиште, Кривогаштани, Македонски Брод и општина Пробиштип. Организаторите очекуваат саемот да го посетат 15 илјади граѓани.