Голем дел од Солун евакуиран поради неексплодирана бомба
Властите во Солун спроведуваат голема акција на евакуирање на десетина илјади жители поради неексплодирана бомба од Втората светска војна која треба да се демонтира.
Воени експерти ќе се обидат да ја неутрализираат бомбата на местото каде е пронајдена, а оваа операција ќе трае неколку часа.
Евакуацијата ќе почне утре, во шест часот изутрина, а автобуси ќе ги одведат жителите најмалку два километри од радиусот на бомбата. Тие ќе бидат сместени во локалните училишта, стадиони и кафулиња.
Властите ќе го евакуираат и блискиот бегалски камп, каде се наоѓаат околу 450 лица.
Слично
Поврзани вести
