Игор Јуриќ, претседателот на фондацијата „Тијана Јуриќ“ изнесе шокантни податоци за Оливер Антиќ, српскиот амбасадор кој пзагина во Португалија под сомнителни околности.

Како што објави Јуриќ на Твитер, против Антиќ е поднесена кривична пријава за педофилија, а според Јуриќ за тоа има и потврда од Обвинителството.

- Оливер Антиќ беше обвинет за педофилија неколку дена пред неговата смрт. Покрај ова, пред Основниот суд во Белград се води постапка за одземање на старателството на Антиќ, ни потврдија и од обвинителството – напиша Јуриќ на Твитер.

Инаку, амбасадорот Антиќ во петокот загина во мистериозна несреќа. Португалските медиуми пишуваа дека Антиќ се самоубил, односно дека скокнал од познатата туристичка атракција Бока де Инферно, откако го замолил личниот шофер да застане токму кај карпата. Според други, тој наводно се лизнал и паднал, и иако спасувачите во свесна состојба го извлекле од морето, тој набрзо починал.