Гоце Димовски, директорот на Дирекцијата за технолошко-индустриски развојни зони, синоќа во емисијата „Аргумент Плус“ на Телевизија 24 рече дека инвеститорот „Аптим“ на крајот од 2026 ќе си замине од Македонија,но ќе треба да враќа пари од доделената државна помош поради неодржана инвестиција.

Тој додаде дека странскиот инвеститор си заминува од земјата во момент кога има 500-тини вработени и работи профитабилно,но дека очекува друга компанија да ја купи фабриката и машините.

- Се работи за милиони евра. Точно ќе ви кажам кога ќе заврши пресметката, а ќеима и камати на тоа. Сега не сакам да прејудицирам затоа што и каматите влијаат на вкупниот износ, рече Димовски.

Тој подвлече дека „Аптив“ е должен да врати пари од државна помош дури и кога нов инвеститор би дошол на неговото место.