Акциите на германската компанија за достава на храна Delivery Hero, мнозинскиот сопственик на брендот Glovo, денес пораснаа за 10 проценти по веста дека американскиот Uber разгледува подобрена понуда за преземање на компанијата со седиште во Берлин.

Delivery Hero претходно ја отфрли понудата на Uber за преземање од 33 евра по акција, што би ја вреднувало целата германска компанија на повеќе од 10 милијарди евра, објави Financial Times (FT).

Uber претходно го зголеми својот удел во Delivery Hero од седум проценти на околу 19,5 проценти, што ја прави нејзин најголем акционер.

Потенцијалниот договор меѓу двете страни би означил продолжување на трендот на спојувања и преземања во секторот за достава на храна, објавува CNBC.

Американската компанија „Дордаш“ претходно ја купи помалата британска компанија „Диверлу“ за 3,9 милијарди фунти во 2025 година, а холандската компанија „Просус“ ја купи компанијата „Џаст Ит“ за 4,1 милијарди евра, или 20,3 евра по акција, објавија медиумите.