Магазинот Global Finance , со седиште во Њујорк, објави листа од најбезбедните земји во светот, а на челото се малку изненадувања, каде што доминираат главно европски земји со развиените економии и здравствените системи.

Првото место му припаѓа на Исланд, по што следуваат Швајцарија и Финска, додека на дното се Филипините, пред Јемен.

Од земјите во регионот најдобро рангирана е Словенија, којаод 128 рангирани земји е на 12 место, Хрватска на 22, Босна и Херцеговина на 56. Србија и Македонија се на 58-то, односно 59-то место. Грција е само едно место пред Србија и Македонија, односно на 57 место. Бугарија е 42-ра, а Албанија е единствено полошо рангирана од Македонија на 69-та позиција.

Според списанието, при сумирање на резултатите, биле земени предвид три фактори: војна и мир, лична безбедност и ризик од природни катастрофи. Магазинот го сумира резултатот од овие три индекси на ризик и претставува еден сеопфатен поглед на безбедност во секоја земја.

Сепак, треба да се напомене дека постојат неколку значајни исклучоци од земји кои се економски развиени, како што е САД, а сепак се речиси точно во средината на листата. Најможната земја на светот е на 65-то место на листата.

„Тоа е затоа што ризикот од насилен криминал во САД се зголеми поради високите стапки на убиства, со што се намалува личната сигурност, а има и малку поголем ризик од природни катастрофи“, вели списанието.

Има и земји како Уругвај, Бутан и Оман кои се пред Велика Британија и Франција на ранг-листата.

Списанието забележува дека 16 од 20 најбезбедни земји се од Европа, заедно со Кина, Сингапур, Нов Зеланд и Канада.