Црногорскиот претседател Мило Ѓукановиќ негираше дека имал контакт со лицата споменати во случајот на италијанскиот истражен судија Алфредо Монталт за можна вмешаност во перење на повеќе од 20 милиони евра, јавува Радио Слободна Европа (РСЕ), додека РТЦГ ја цитира изјавата на Ѓукановиќ дека „со задоволство ќе одговори“ на повикот на Специјалното државно обвинителство.

„Не може да се дадат повеќе информации и податоци за да се заштитат интересите на кривичната постапка“, вели специјалната обвинителка Сања Јовиќевиќ, пренесуваат регионални медиуми.

„Се радувам на ефикасното постапување на Обвинителството. Како и секогаш, ќе одговорам на секој повик од државен орган. На оваа тема горе-долу се е кажано. Тоа е измислена афера. Не знам кои се зборовите, ниту пак сум имал контакт со тие луѓе“, изјавил денеска Ѓукановиќ.

Повикувајќи се на извештајот на судијата Монталт, за кој тој тврди дека имал увид, РТЦГ наведува дека извештајот содржи транскрипт од разговорот меѓу Тачи и осомничениот италијански државјанин Даниеле Кестагали, пренесува РСЕ.

Тачи во извештајот наводно го споменува Ѓукановиќ, во контекст на интервенција да се изврши меѓународна исплата преку „претседателската банка“ од Црна Гора.

Освен Мило Ѓукановиќ, во документите наводно се споменува и неговиот брат Ацо, како најголем акционер на Прва банка.

Кабинетот на Ѓукановиќ на 14 ноември реагираше на наводите на медиумите и соопшти дека се работи за „континуитет на лаги и измами“.

РТЦГ, кој првично ги објави текстовите кои се однесуваат на албанските портали „dosja.al“ и „cna.al“, реагираше на информациите од Прва банка, наведувајќи дека станува збор за апсолутни невистини пресметани со цел да им наштетат на банката и на акционерите. Тие прецизираа дека лицата наведени во тие текстови никогаш не работеле со Првата банка.

Немам проблем со тоа бидејќи знам како работев и потребни се само неколку дена тие скандали да се распаднат како кула од карти“, изјави Ѓукановиќ.

Според РТЦГ, тој рече дека денес никој повеќе не ги спомнува документите Пандора и дека нема да ја споменува оваа афера на ист начин.