Претседателот на Србија, Александар Вучиќ денеска се сретна со најдобриот светски тенисер Новак Ѓоковиќ по сагата што ја доживеа во Австралија.

- Многупати ги примив сите големи државници, Путин, но вакво нешто одамна не сум видел. Дојде некој многу поголем од нас, сакам да ви кажам многу благодарам што бевте овде денес. Сакам да ви се заблагодарам за се што направивте за нашата земја. Ви благодариме што насекаде ја славите нашата земја со чест и храброст – започна претседателот на Србија.

- Сите се надеваме дека ќе го надминете Надал по бројот на титули. Среќни сме што со години сте први на листата и што нема да можат да ве „симнат“ од тоа место. Сакаме да придонесеме за понатамошен развој на тенисот во Србија. За околу десет години сакаме да имаме нови деца кои ќе се борат за црвено-сино-белата тробојка. Уште еднаш благодарам – подвлече претседателот на Србија.

Ѓоковиќ порача дека сакал да се сретне денеска со српскиот претседател бидејќи почувствувал потреба да им се заблагодарам на сите за поддршката.

- Имав огромна поддршка во Србија, многу луѓе испратија пораки за поддршка. Како претседател на Србија, немавте обврска да ја пружите поддршката што ја дадовте, но сакам да знаете дека чувствувам голема благодарност што застанавте зад мене. И вие се ставивте во компромитирана позиција, но јас ќе го паметам тоа. Мојата врска и однос кон српскиот народ од ден на ден се се посилни. За претставниците на медиумите сакам да додадам, со оглед на тоа што не ги објавив настаните за Австралија, ве молам за трпение, бидејќи со официјално соопштение ќе се обратам во следните седум до десет дена - изјави Ѓоковиќ.

Новак Ѓоковиќ беше главна спортска тема во изминатиот период, откако беше депортиран од Австралија по неколкунеделната драма што ја доживеа таму. Најдобриот светски тенисер на почетокот на јануари дојде во Мелбурн за да се натпреварува на Австралија опен, но непосредно пред почетокот на турнирот беше избркан од земјата.

Ѓоковиќ е во фаза на подготовки и за турнирот во Дубаи, каде кон средината на февруари ќе го одигра првиот официјален натпревар оваа година.