Двете српски момчиња од Штрпце кои денеска беа застрелани од возило во движење додека носеа новогодишна елка се во стабилна состојба и надвор од животна опасност, дознаваат локалните медиуми од Клиничкиот болнички центар во Грачаница, каде им била укажана лекарска помош.

Момчињата со возило на Брза помош биле пренесени во оваа здравствена установа каде им била укажана лекарска помош, додека жителите на Штрпце и околните градови го блокирале регионалниот пат Урошевац-Штрпце во Готовуша.

Бараат да се најде тој што пукал во српските момчиња.

- Ги снимивме регистарските таблички на автомобилот од кој беше отворен оган врз нашите момчиња и нема да мрднеме оттука додека полицијата не го најде тој што пукал во нив - посочуваат стотината мештани кои не дозволуваат да поминуваат возила. преку овој пат кој води за Призрен.

Инаку, како што соопшти денеска Канцеларијата за Косово и Метохија, српските момчиња биле застрелани од локален Албанец без причина од возило во движење. Во моментот на пукањето, децата се движеле покрај патот носејќи новогодишна елка, при што бил отворен оган. Едното момче Стефан Стојановиќ (11) е ранет во рамото, додека неговиот братучед Милош Стојановиќ е ранет во раката.

Канцеларијата на Владата на Србија за Косово и Метохија пак соопшти дека бара итна и одлучна реакција на меѓународната заедница, по повредувањето на две момчиња во Готовуши во близина на Штрпце.

Од Канцеларијата за КиМ тврдат дека, иако неколку очевидци ја виделе регистрацијата на возилото од кое се пукало, но локалната полиција го пропуштило возилото со осомничените.

Поради инцидентот Србите од Косово го блокираа регионалниот пат Штрпце – Урошевац. 

Косовската полиција соопшти дека привела осомничен за ранувањето на момчињата. Како што се наведува во соопштението, „по интензивна истражна работа, регионалната полиција на Урошевац прибрала информации на терен, го идентификувала и потоа го привела осомничениот А.К на 33 години“.

Осомничениот е под надзор на Урошевачката полиција, односно Подрачното одделение за истраги за други истражни дејствија“, се наведува во соопштението.