Грчката министерка за административна  реконструкција, Олга Геровасили во интервју за грчката новинска агенција АНА- МПА, во однос на разговорите за спорот со името вели дека треба да избегаме од фобиите и духовите на минатото и динамично да ја видиме иднината. 

Рече дека секоја политичка сила треба да преземе одговорност како кон грчкиот народ, така и кон историјата. 

„Решението на името и целосна нормализација на билатералните односи со нашата соседна држава само корист може да донесат за земјата, особено за жителите на северна Грција. Треба да избегаме од фобиите и духовите од минатото и динамично да ја видиме иднината“- вели Геровасили.

Како што јави дописничката на МИА од Атина, грчката министерка коментира дека сега се созреани условите за договор меѓу двете земји.