Германските компании Uniper (UN01.DE) и RWE (RWEG.DE) платија за рускиот гас според новата шема предложена од Москва, во обид да се обезбеди континуирано снабдување со гориво кое е од клучно значење за европската економија.

Платежната шема на Русија, која подразбира сметки кои би се плаќале во евра, а потоа би се замениле за рубљи, ги обелоденува недостатоците во обединетиот одговор на Европа кон Русија за нејзината февруарска инвазија на Украина, при што некои земји одбиваат да платат, а други наоѓаат начини да се усогласат, пишува Ројтерс.

Германија во голема мера зависи од рускиот гас, кој сочинуваше повеќе од половина од вкупниот увоз на гориво минатата година. Унипер и РВЕ, два главни германски увозници на руски гас, рекоа дека ќе отворија сметки во Русија во согласност со тековните закони за санкции за да се осигураат дека протокот на гас ќе продолжи.

„Како и другите германски и европски компании, „Унипер“ го промени начинот на плаќање за испорака на гас од Русија. „Унипер“ плаќа во евра во согласност со новиот механизам за плаќање“, се вели во соопштението на „Унипер“.

„Првата од овие плаќања беше извршена на крајот на мај. Затоа, „Унипер“ дејствува во согласност со санкциите и може да продолжи да обезбедува навремено исполнување на договорот.

Портпаролот на РВЕ, исто така, потврди дека се префрлени евра на руската сметка отворена со целда се овозможи плаќање.

Руски Газпром (ГАЗП.ММ) вчера соопшти дека целосно го прекинал снабдувањето со гас на холандскиот трговец со гас ГасТера, откако не извршил плаќања за испорачаниот гас во април, а денеска пак ја сопре испораката на гас кон една данска и кон една германска компаниј.

„Унипер“ минатиот месец рече дека првата исплата според новите упатства ќе биде доспеана на крајот на мај, оставајќи го отворен точниот датум.

Унипер рече дека процесот е координиран со германската влада и ги следи упатствата на ЕУ.