Германија презеде подружница на рускиот нафтен гигант Роснефт за да обезбеди контрола над нејзината рафинерија во Швет, клучна за снабдување на Берлин.

Владата денеска одлучи да ја прекине таа рута за снабдување, доверувајќи му го управувањето со своите рафинерии во Швет, Карлсруе и Вохбург на домашниот енергетски регулатор.

Заедно со сопственоста се отстранува и заканата за енергетската безбедност и се поставува камен-темелникот за зачувување и иднина на локацијата Швет“, соопштија од Министерството за економија.

„Роснефт Дојчланд“ сочинува околу 12 отсто од германскиот капацитет за рафинирање нафта и е меѓу најголемите преработувачи на нафта во земјата, објави Министерството.

Рафинеријата „Швет“ без излез на море е четврта по големина во Германија и задоволува 90 отсто од побарувачката на гориво во Берлин. Откако е изградена во 60-тите години на минатиот век, нафтата се набавува исклучиво од Русија, преку нафтоводот Дружба. Швет исто така, снабдува делови од западна Полска и аеродромот Берлин-Бранденбург со деривати.

Не е јасно кој ќе го замени Роснефт, мнозинскиот сопственик. Британската нафтена компанија „Шел“ поседува 37,5 отсто од акциите во „Швет“, но веќе подолго време сака да се повлече. Тие денеска соопштија дека не се засегнати од одлуката на германската влада, додавајќи дека „ќе продолжат да ги исполнуваат договорните обврски во согласност со нивните акции“.

„Не сакаме да шпекулираме за мерки во контекст на континуираната работа на рафинеријата во Швет (или други локации) што владата би можела да ги спроведе“, велат тво посмен допис за Ројтерс. Германските компании Вербио и Енертраг, двете од секторот за обновливи извори на енергија, изразија интерес за подружницата на Роснефт.

Извори од германската влада пред објавувањето на одлуката изјавија дека преземањето на Роснефт Дојчланд може да резултира со итно прекинување на испораките на руската нафта. Одлуката е составен дел на „сеопфатниот пакет“ што треба да обезбеди испорака на нафта до рафинеријата преку алтернативни патишта, објави Министерството.

Деталите за пакетот ќе ги објават канцеларот Шолц, министерот за економија Роберт Хабек и премиерот на Бранденбург во текот на денот.