Според текстот во  денешното издание на косовскиот весник „Трибуна“, еден од најголемите производители на оружје во Германија, компанијата „Хеклер и Кох“ го раскинала договорот за испорака на своите производи на Косово. Весникот пишува дека германската компанијата се откажала од соработка со Косово поради заради несериозност на своите косовски клиенти, како и законските проблеми, односно поради „заплетканото законодавство, кое во пракса е невозможно да не се прекршува“. „Компанијата решила дека е подобро да го изгуби пазарот отколку да дојде во ситуација да се соочи со законски проблеми“,  пишува Трибуна“ и додава дека ова било одлука на раководството на „Хеклер и Кох“. германската компанијата на Косово дистрибуираше оружје за полицијата и косовските сили за безбедност.