Со бакли вечерва Шарената револуција го означува крајот на одбројувањето и ултиматумот кој граѓаните и го дадоа на власта.

Тие со запалени бакли исцртаа единица на булеварот „Климент Охридски“, а  на власта и Уставниот суд им пратија порака дека им останува уште еден ден до исполнување на нивните барања.

Активистите на оваа револуција која  веќе два месеци секојдневно протестира со разни акции бараат од Уставниот суд да го стави на дневен ред и да се  произнесе за уставноста на Специјалното обвинителство, актуелната влада на ВМРО-ДПМНЕ и ДУИ да поднесе оставка и да се формира преодна Влада која ќе ги примени реформските приоритети од извештајот на Прибе и ќе организира фер и демократски избори.

За на 20 во понеделник е најавен масовен марш на шарената револуција закажан за 19 часот од пред СЈО.