Британскиот амбасадор Рарлс Гарет на социјалната мрежа Твитер реагираше на одлуката на Уставниот суд да прифати да ја разгледува иницијативата за измени на Законот за помилување, со која повторно му се дава право на претседателот на државата да помилува лица осудени за изборни нерегуларности.

„Какви се овие вести за помилување на изборни измами?” – прашува Герет.

Иницијативата за амнестирање на лица инволвирани во изборни нерегуларности е покрената од младиот охридски адвокат Ристо Китески, кој работи во адвокатска канцеларија на адвокатот Љупчо Наумовски, бранител на осомничени лица во случајот „Титаник“.

Постапката на Уставниот суд беше причина стотици граѓани да излезат на протест пред зградата на Судот, кои порачаа дека Судот со ова станал сојузник на изборните измами.