Претседателот на соседна Бугарија Румен Радев го предаде вториот мандат за формирање влада на ГЕРБ-СДС. Тие, пак, го вратија како што беше ветено.

Кај претседателот дојдоа Даниел Митов, Десислава Атанасова и Томислав Дончев, кој претходно го претстави нацрт -кабинетот, кој, сепак, нема да биде доставен до претседателот. 

Радев го предаде мандатот на кандидатот за премиер на ГЕРБ, Даниел Митов, за формирање влада. Тој, од своја страна, рече дека партијата не гледа можност да се исполни вториот мандат и затоа го вратил. 

Потсетуваме дека претходно денеска ГЕРБ го претстави својот нацрт -кабинет, но вети дека ќе го врати мандатот, како што и се случи, пренесува актуелно.бг.