Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Берзите повторно по принципот „лошото е добро и доброто е лошо“

Последниве месеци се навикнавме на фактот дека инвеститорите во моменталното економско опкружување често се задоволни и со полоши економски податоци, што ја зајакнува надежта за ставање крај на заострувањето на монетарната политика од страна на централните банки. Токму оваа динамика ги карактеризираше настаните на берзите во текот на изминатата недела.

Минатиот понеделник и вторник бевме сведоци на насилно враќање на курсевите, што главно се засноваше на претпоставката дека податоците од показателот ISM за падот на производната активност во септември укажуваат на заладување на американската економија и затоа централните банки треба барем малку да го омекнат нивниот пристап. На крајот на неделата, тезата не беше потврдена со податоците од пазарот на труд, кои остануваат изненадувачки стабилни. По благ пораст во август, невработеноста во септември се врати на најниско ниво во последните години. Конкуренцијата за достапни работници останува многу жестока, со 1,7 слободни работни места за секој активен барател на работа. Ова им дава на работниците преговарачка моќ да ги зголемат платите, што доведува до повисока инфлација и на крајот повисоки каматни стапки. Масло на огнот беа и значително повисоките цени на нафтата, кои се уште еден клучен фактор што предизвикува висока инфлација. Намалувањето на производството од 2 милиони барели од ОПЕК + резултираше со скок на цената на нафтата за речиси 15%. Во исто време, индексот S&P 500 избриша голем дел од добивките од почетокот на неделата до затворањето во петокот навечер.

Мислењата во рамките на ЕЦБ на состанокот во септември беа едногласни

Европската централна банка го објави записникот од септемврискиот состанок. Уште едно зголемување од 0,75% на основната каматна стапка беше усвоено горе-долу едногласно, па со 10% инфлација во еврозоната, во таборот на монетарните јастреби (оние кои се залагаат за порестриктивна монетарна политика) во голема мера се приклучуваат дури и мрзливите претставници на ЕЦБ (оние кои обично се залагаат за лабава монетарна политика). Затоа, централните банкари се сè позагрижени дека ограничувањето на инфлацијата во ЕУ ќе биде многу тешка задача и покрај рецесијата.

Кинеската комунистичка партија пред најважниот настан во мандатот

Кина е во знакот на претстојниот партиски конгрес, каде се очекува претседателот Xi Jinping да го добие својот трет петгодишен мандат и да ја зацврсти својата позиција како најмоќен кинески лидер по Мао Це Тунг. На конгресот, кој се одржува на секои пет години во Пекинг, оваа недела ќе се соберат 2.300 партиски делегати за да назначат нов централен комитет од 200 членови. Централниот комитет потоа го избира централното раководство на партијата, кое се состои од 25-члено извршно тело и постојан комитет. Ова е највисокото раководно тело во Кина, кое се состои од само 7 лица (вклучувајќи го и претседателот Xi). Покрај функцијата претседател на земјата, Xi Jinping има уште две клучни функции – претседател на Централната воена комисија и генерален секретар на Комунистичката партија. Тој многу веројатно ќе ги задржи двете титули на партискиот конгрес, а функцијата претседател ќе биде официјално потврдена дури на годишниот состанок на кинеската влада, кој вообичаено се одржува во март. Кина минува низ бурен период. Економскиот раст е далеку зад прогнозите, а инсистирањето на нулта Ковид политика и кризата со недвижностите предизвикуваат се повеќе критики кај властите, но се чини дека партијата досега нема преголеми проблеми во сузбивањето на противниците. Следниот мандат на Xi Jinping најверојатно ќе донесе клучни геополитички одлуки кои ќе ги дефинираат односите меѓу светските суперсили во иднина.

Цените на нафтата вртоглаво пораснаа откако ОПЕК + ги намали производните квоти

Веста дека Организацијата на земјите извознички на нафта (ОПЕК) ќе ги намали квотите за производство на нафта за 2 милиони барели дневно почнувајќи од ноември, ги дигна цените на суровата нафта WTI повторно над 90 долари, што е неделен пораст од речиси 15%. Има многу шпекулации за тоа која била причината за ваквата одлука. Имаше обвинувања од Белата куќа дека тоа е потег за поддршка на Русија (од 2016 година, таа е членка на проширениот картел ОПЕК +, кој произведува околу 40% од светската сурова нафта годишно).Тоа би можело да биде само одговор на намалената побарувачка за нафта поради заладувањето на глобалната економска активност. Сепак, дел од експертите посочуваат дека земјите производители во моментов не можат да ги испумпуваат договорените количини нафта, па затоа ОПЕК малку ги прилагоди квотите на сегашните максимални производствени капацитети.

СОВЕТИ ЗА ИНВЕСТИТОРИТЕ:

Централните банки остануваат најважниот играч на пазарите на капитал. Монетарната политика брзо се затегнува, а надежта за брзо намалување на стапката во 2023 година речиси исчезна. Главната економска политика е борбата против инфлацијата, а рецесијата е неопходно зло што мора да го прифатиме. Ова и високата цена на енергијата значително ја намалуваат довербата на потрошувачите. На штедењето силно влијае високата инфлација, која сè уште не стивнува. Нагло успорување на економскиот раст и премин во стагфлација е многу веројатно сценарио. Во такво опкружување, каде што наглото успорување на економскиот раст е факт и е можен премин во стагфлација, инвестирањето е предизвик. Во ваква ситуација, како што покажуваат историските податоци, најдобро е да се вложува во акции, па недвижнини, потоа во обврзници и на крај во пари или депозит. Но, бидејќи сценариото за рецесија и стагфлација не е факт и бидејќи централните банки исто така можат многу брзо да го променат правецот, потребата за диверзификација на портфолиото е голема. Комбинација од акциски фондови како што се Генерали Топ Брендови, Генерали БРИК или Генерали НОВА ЕУ и паричен фонд – Генерали Кеш Депозит, треба да бидат основа на портфолиото во вакво опкружување. Интересни остануваат акциите од областа на енергија и материјали, кои нудат одговор на стагфлацијата, а и поволни вреднувања, но атрактивноста во очите на инвеститорите е намалена поради стравувањата од рецесија и покрај добрите резултати. Технолошките акции имаат голема тежина во американските индекси, така што тука се можни брзи големи потези, но останува фактот дека успорувањето на економската активност во САД е значително помало и дека економската позиција на американската економија и компаниите е многу подобра од тие во Европа или од пазарите во развој. Есенските месеци ги носат старите предизвици на претстојната рецесија и високата инфлација, а да не зборуваме за геополитичките тензии, па затоа потребата од распределба на инвестициите е голема. Доаѓа време за посмело инвестирање, бидејќи бркањето на дно е бесмислена работа, но во моментов е сепак потребно претпазливо да се зголеми ризикот преку глобалните капитални инвестиции, бидејќи неизвесноста, а со тоа и нестабилноста на пазарите се високи.