Портфолио менаџерите во Генерали Инвестментс составија резиме за тековните случувања кои влијаат врз пазарот на капитал и актуелни совети за инвеститорите.

Преглед на моменталните случувања:

Податоците за новоотворени работни места во мај, кои далеку ги надминаа прогнозите на економистите, покажуваат дека американскиот пазар на труд и покрај сите пречки со кои се соочува економијата, сепак останува силен мотор на економската активност. Стапката на вработеност е зголемена и во САД. Комбинацијата од повисоки плати и укинување на пандемиската помош се најважните фактори за новата бројка во мај, која се зголеми за 330.000 вработени. Сепак, дел од работодавците и понатаму се соочуваат со најголем недостиг на работна сила, по Втората светска војна, што е главната причина за притисоците врз растот на платите, а со тоа и врз инфлацијата. Бидејќи големиот број нововработени укажува дека заладувањето на економијата оди побавно од очекуваното, пазарот негативно реагираше на оваа вест. Солидната состојба на економијата значи дека зголемувањето на каматните стапки може да продолжи и новото очекувано ниво до каде што би можел да оди ФЕД се искачи на 3,5%. Постепеното враќање на работоспособните на пазарот на труд и роботизацијата на производните процеси (нарачките за производствени машини се зголемија за дури 40% на годишно ниво во првиот квартал од 2022 година) се фактори кои треба малку да го разладат американскиот пазар на труд. Ова би ги намалило притисоците врз растот на платите и следствено на тоа, врз цените на другите стоки, но се додека цените на енергијата не се намалуваат и не се реши кризата во синџирот на снабдување, тоа нема да биде доволно за ублажување на инфлацијата без одлучна интервенција на централните банки. Од друга страна, главните американски индекси благо паднаа минатата недела. После добрите вести на пазарот на труд, Jamie Dimon, извршен директор на најголемата американска банка JPM и Elon Musk на Tesla, предизвикаа возбуда на пазарите со своите песимистички погледи за економијата. Оваа недела, инвеститорите ќе се фокусираат на податоците за инфлацијата во САД за мај. Сепак, се очекува да надмине 8% на годишно ниво и покрај високата основа (5% во мај минатата година). Изненадување во било која насока веројатно би предизвикало силен одговор на финансиските пазари, бидејќи следните потези на Федералните резерви на САД ќе зависат од стапката на инфлација.

Додека повеќето централни банки во западните економии го започнаа циклусот на зголемување на каматните стапки од пред неколку месеци, Европската централна банка го одложува овој чекор. Но, по рекордните мерења на инфлацијата во мај, јасно е дека ЕЦБ до крајот на летото ќе биде принудена да ја зголеми пасивната каматна стапка, која моментално е -0,5%, подем во негатива. Очекувањата на пазарот во моментов вклучуваат зголемување од 0,25% во сесиите јули и септември, но и зголемувањето од 0,5% во лето останува на маса. Така, Европската централна банка ќе го започне првиот циклус на зголемување на каматните стапки по 2011 година. Во тој период, повисоките каматни стапки предизвикаа должничка криза, особено во високозадолжените земји, предводени од Грција и Италија, каде што економијата сè уште не е целосно закрепната. Повисоките каматни стапки во комбинација со понискиот економски раст повторно ќе имаат економски последици врз високо задолжените европски земји, што е главната причина поради која ЕЦБ дејствува многу внимателно во споредба со другите централни банки. Но, последиците од очекувањата за зголемување на каматните стапки се веќе присутни. Шестмесечниот Euribor дојде до 0, што значи дека корисниците на кредити со променливи каматни стапки наскоро ќе забележат повисоки износи на месечните рати. Ова е јасен сигнал за последниот воз на кредитна размена од променлива стапка до фиксна.

Минатата недела кинеската влада откри подетални планови околу мерките за поддршка и ублажување на економските последици поради строгите мерки за справување со епидемијата, која полека стивнува. Ова овозможи постепено олеснување на ограничувањата, но економската штета е значителна. Трендот на намалување на берзанските индекси од пазарите во развој, предводени од Кина, неодамна малку се промени. За разлика од западните економии, кинеската централна банка по затворањето и падот на економската активност ја објави монетарната политика. Така, Кина останува една од ретките земји со лабава монетарна политика. Во последниве денови, таа нуди поддршка и за секторот на недвижности, што ја зголеми атрактивноста на кинеската берза, која беше тешко погодена последнава година.

По корекцијата во мај, цените на обврзниците повторно благо паднаа во последната недела, а инвеститорите во должнички хартии од вредност главно се фокусираат на прогнозите за инфлацијата и политиките на централната банка. Минатата недела падот на цените на обврзниците и растот на очекуваните приноси беа предизвикани од веста за рекордна инфлација од 8,1% во еврозоната и податоците за силниот пазар на труд во САД, што им дава на Федералните резерви на САД повеќе простор за заострување на монетарната политика. Инвеститорите во обврзници бараат повисоки приноси поради повисоката инфлација и каматните стапки, кои се причина за падот на цените од обврзниците. Така, германската 10-годишна обврзница се помести на ниво од 1,2%, а наскоро може да се очекува околу 1,5%. Но, реалните приноси (приспособени на инфлацијата) остануваат на рекордно ниско ниво и инвеститорите сè уште губат многу.

СОВЕТИ ЗА ИНВЕСТИТОРИТЕ:

Економската и политичката ситуација во светот останува многу кревка и како резултат на тоа, пазарите продолжуваат со остри флуктуации. Централните банки како најважен играч во моментов ја заоструваат монетарната политика. ФЕД предвидува многу повисоки каматни стапки со цел да се задржи куповната моќ на потрошувачите. ЕЦБ прогнозира зголемување на каматните стапки во лето и во почетокот на есен. Така, негативните каматни стапки стануваат минато. Што значи тоа за банкарските депозити, останува да видиме. Веројатно нема да има повеќе негативни каматни стапки за штедачите во банки, но што кога на штедењето влијае растечка инфлација поголема од негативната каматна стапка од 0,50%, која не покажува знаци на попуштање. Во такво опкружување, каде што силното успорување на економскиот раст е факт, а движењето кон стагфлација е сосема можно, инвестирањето е многу тешко. Во ваква ситуација, како што покажуваат историските податоци, најдобро е да се вложува во акции, па недвижнини, после тоа обврзници и на крај во пари или депозит. Но, бидејќи сценариото за рецесија и стагфлација не е факт и бидејќи централните банки исто така можат многу брзо да го променат правецот, потребата за диверзификација на портфолиото е најголема денес од последната криза. Комбинација од акциски фондови како што се Генерали Топ Брендови, Генерали БРИК или Генерали НОВА ЕУ и паричен фонд – Генерали Кеш Депозит, треба да бидат основа на портфолиото во вакво опкружување. Минатата година кинеските акции беа главно синоним за стрес, но приказната полека се врти. Оценките станаа поатрактивни, профилот на раст е сè уште атрактивен, а Кина, како една од ретките земји, ја ослободува монетарната политика и го преплавува пазарот на пари. Се чини дека следува период кога кинеските акции повторно ќе понудат натпросечни приноси во споредба со остатокот од светот. Дефинитивно ни претстои поразличен период од последните 10 години. Но, тоа не значи дека нема можности за инвестирање. Историјата на инвестирање покажува дека сонцето секогаш изгрева после дождот и тоа најдобро го поднесуваат оние кои се истрајни со програмираните уплати.