Тетовските комунални работници започнаа генерален штрајк. Околу 300 вработени во Јавното комунално претпријатие од сите негови работни единици- водовод и канализација, комунална хигиена и механизација, паркови и зеленило, како и администрацијата, денеска се собраа пред влезот на главната дирекција во Тетово кај градскиот пазар.

Работниците бараат да им бидат исплатени 4 плати што им ги должат, како и придонесите кои не се платени уште од август минатата година. Додека не им бидат исполнети овие барања тие нема да го собираат сметот од контејнерите, а нема да ги поправаат ниту евентуалните дефекти во водоводната мрежа.

Според најавите дека протестот ќе трае секој ден од 8 до 12 часот пред управата на претпријатието, а можно е штрајкувачите да се префрлат и пред општинската зграда.