Алексеј Милер, извршниот директор на Газпром, откри дека стартува изградбата на мега проектот Турски тек, кој ќе стартува од турскиот дел на Црното море и ќе заврши во Италија преку Грција и Албанија. 

„Ја завршивме мобилизацијата на работната сила и при крај се сите подготовки на терен“ посочи Милер по средбата со рускиот претседател Владимир Путин.

Во втората половина на оваа година ќе бидат поставени и првите цевки од новиот гасовод, а во 2019-та ќе бидат финиширани две линии на Турскиот тек. Подоцна една линија треба да биде пуштена и кон Република Македонија, како и кон северот на Европа.

Договорот беше потврден и меѓу Путин и Ердоган откако беа надминати несогласувањето околу Сирија.