Газпром сака да ја добие поправената турбина за Северен тек 1, но важно е компанијата да добие официјална потврда дека турбината не е под санкции, изјави портпаролот на Кремљ, Дмитриј Песков.

- Газпром сака да ја добие оваа турбина, но не е Газпром тој што воведе санкции. Во овој случај, важно е Газпром да добие правни документи во кои се наведува дека турбината не е под санкции. Само зборовите апсолутно не се доволни во овој случај - им рече Песков на новинарите, пишува ТАСС, пренесува „Ртв“.

„Газпром“ во средата објави дека испораката на турбината „Северен тек 1“ сега не е можна поради санкциите на Канада, Европската унија и Велика Британија, како и поради непочитување на договорните обврски на Сименс.