Бугарските власти регистрирале околу 2800 нелегални преминувања на границата за првите три месеци од 2016 година,  во споредба со  3500 за истиот период лани.

Бројот на мигрантите кои биле забележани во обид да ја преминат турско-бугарската граница е намален за 20%, и покрај затворањето на другите правци до Европа, пишува Гардијан. Во првиот квартал од 2016 година мигрантите кои биле забележани на границата се намалени за 20% во споредба со минатата година, покрај затворањето на границата меѓу Грција и Македонија.

Статистиката ќе ги изненади специјалистите за миграција, кои очекуваа договорот меѓу ЕУ и Турција, да го зголеми протокот меѓу Турција и Бугарија. Европската унија вратила во Турција 325 илегални имигранти и примила 79 сириски бегалци по влегувањето во сила на договорот.