Опозицискиот лидер и функционери на СДСМ пристигнаа пред Влада.

Централната бина е поставена на крстосницата кај Владата, но целиот центар на градот врие од граѓани.

Се веат разни знамиња, македонски, албански, српски, турски, ромски, а транспарентите на кои е испишана пораката „Збогум Никола“ се многубројни.

Многумина велат дека се дојдени да протестираат против оваа власт која е недемократска , која е власт само на одредена група и се грижи само за одредена маса на луѓе, не сака да го слушне народот кој живее во сиромаштија и против онаа влада која сака да протежира национализам и едноумие.

„Ние тука не дојдовме за партија, дојдовме за Македонија“, велат граѓаните.