После 13 дена бојкот и три големи маршеви во главниот град, денеска беше скршен мразот кој ги дели надлежните и средношколците. МОН ги повика на средба и преговори еден час после поставувањето за шаторите за кампување.

Од Средношколскиот пленум за Фактор изјавија дека на средбата присуствувале министерот Адеми , заменик министерот Спиро Ристовски и вицепремиерот Владимир Пешевски.

Имено, средбата не вроди со плод. Надлежните ги слушнале аргументите на гимназијалците, а Адеми продолжил со игнорантскиот однос и ја напуштил средбата при што се завршило без договор.

Од МОН побарале средношколците да го прекинат бојкотот и да се вратат на настава, на што наишле не несогласување и е одлучено кампот да продолжи се додека не бидат усвоени сите барања на средношколците.

Наверојатно утре гимназијацлите ќе бидат повикани на повторна средба а од МОН им рекле дека се подготвени за преговори.

Сите кои им даваат безрезерва поддршка на средношколците и сите оние граѓани кои сакаат да им помогнат во истрајноста при кампувањето и бојкотирањето на наставата може да поминат во Паркот на Новинарите пред МОН и доколку се во можност да донираат продукти од нивната листа.

Работи кои им се потребни:

– вода – пластичен прибор за јадење (лажици, вилушки, тањирчиња) – чаши – салфетки, влажни марамици – кафе, чај – шеќер – леб и готови лиснати – храна која не е лесно расиплива – плински боци – овошје

Од утре средношколците најавуваат низа активности, алтернативни предавања, собирање на потписи за симболична поддршка.

Од вечерва средношколците ќе ноќеваат во шатори пред МОН се додека не биде слушнат нивниот глас