Познатиот англиски актер, Орландо Блум денеска неочеувано дојде во Гевгелија и ги посети мигрантите и бегалците во прифатниот камп. Актерот утрово пристигна во Македонија како дел од мисијата на Уницеф. Бегалците му ја раскажуваа нивната судбина и проблемите со кои се соочуваат,а Блум особено се интересираше за животните приказни на децата бегалци.   Облечен во лежерна облека со маичка на Уницеф, актерот ги разведри бегалците во прифатниот камп, кои чекаа ред за да се фотографираат со него. Инаку, Орландо Блум е е амбасадор на добрата волја на Уницеф од октомври 2009 година и често ги посетува критични места низ целиот свет. Тој е и првиот светски актер што дошол на посета кај бегалците во Македонија.     Фото: asosejtetd pres и Twiter