Белградскиот сплав „Фристајлер“ сè повеќе тоне, а по инцидентот што се случи на новогодишната ноќ, единствено што го држат се каблите прикачени на брегот, додека тој речиси целосно потона.

На шеталиштето, на кејот Сава, пред сплавот, денес нема луѓе, но нема ни облека, која што беше однесена, па сега има само остатоци од храна, пијалоци, како и искинати картички, а таму исто така им и една капа „Дедо Мраз“. Накратко, остана само ѓубре.

Од најновите фотографии, сплавот продолжил да тоне, еден дел е речиси целосно под вода, за разлика од вчера.

Инаку, „Фристајлер“ е пријавен за 220 луѓе, а на новогодишната ноќ, според неофицијални информации, имало најмалку 400 луѓе, а се претпоставува дека на сплавот имало 500, па и 600 луѓе.

Гостите на сплавот споделија видеа и слики од вистинската драма која се одвиваше на социјалните мрежи и раскажаа што се случило неколку минути по полноќ.

- Мислев дека некој се самоубил и тогаш наеднаш сфативме дека водата е до нашите колена. Девојките беа во штикли, во фустани, што го отежнува излегувањето. Одеднаш сите се упатија кон излезот, ги оставија јакните внатре, беше пекол - раскажа една девојка како новогодишната ноќ се претворила во вистинска катастрофа.

Дадоа 1.000 евра за ноќ

Според огласот за дочекот на Новата 2023 година во овој клуб, цената на билетот за ноќевање отишла од 27 на 40 евра и до неверојатни 1.000 евра, колку што изнесувала доплатата за таканаречениот „штанд на фристајлер“ со 6 премиум шишиња пијалоци по ваш избор.

И други бројни гости, меѓу кои и многу странци, кои вчераутро дојдоа пред сплавот во потрага по својата гардероба и документи, велат дека внатре бил преполн, што, како што велат, „не можело да се дише“.

Извор и повеќе детали на Курир.рс

Фото: Принтскрин