Франција, поради малверзации и грешки, ќе мора на ЕУ да и врати 1,45 милијарди евра кои во периодот од 2008 до 2012 година ги добила како помош за земјоделството, соопшти Европската комисија. Станува збор за износ од околу 2 отсто од вкупно 40 -те милијарди евра кои Франција ги добила во рамките на Заедничката земјоделска политика од Унијата. Франција не проверувала дали проектите, за кои на земјоделците им е исплаќана помошта, ги исполнуваат еколошките правила, а има и неточни податоци во однос на земјоделските површини. Враќањето на долгот ќе се реализира во три рати до 2017 година.