Група граѓани вечерва се собраа пред СЈО, иако здружението „Протестирам“ најави дека протестите ќе мируваат за Велигден.

Демонстрантите се незадоволни од одлуката на претседателот на државата, Ѓорге Иванов да помилува 56 политичари и нивни соработници. Тие носат транспаренти на кои пишува „Аболиција или полиција за ова судство“, „Од секое дрво не бива свирче - судија“, „Многу судии имаат помалку рбет од медузи“, „Никола не лажи народ, носот ќе ти порасне“, „со вакво судство и аболиција од Хорхе ќе владееш 100 години“.  На протестот се говореше и за задолженоста на земјата. Учесниците на протестот велат дека нивните деца ќе бидат горди затоа што се побуниле против оваа власт.

Ова е трета недела откако почнаа протестите. Во меѓувреме и ГДОМ ќе мирува додека траат Велигденските празници и 1 Мај.