Најмалку 39 мигранти, помеѓу кои и неколку деца се удавиле денеска, додека повеќе од 60 луѓе се спасени кога нивниот брад потонал во Егејското море додека се обидувале да стигнат од Турција во Грција.

Припадниците на турската крајбрежна стража ја продолжуваат потрагата по настраданите, бидејќи сеуште незнаат колку луѓе биле на бродот.

Локалните власти стравуваат дека бројот ќе се зголеми и ќе биде поголем кога ќе го пронајдат потонатиот брод, пренесуваат агенциите.

Турската приватна агенција „Доган“ соопшти дека помеѓу загинатите има најмалку пет деца.

Бегалците тргнале од провинцијата Чанакле, и се упатиле кон грчкиот остров Лезбос.

Во Турција се наоѓаат 2,2 милиони бегалци од Сирија, а според податоците на Организацијата за миграција на Обединетите нации, повеќе од еден милион бегалци стигнале во Европа по морски пат.

Повеќе од милион бегалци стигнале по морски или копнен пат во Турција минатата година, од кои 3600 загинале на тој пат или се водат како исчезнати.