Полицијата попладнево ги запре демонстрантите од „Шарената револуција“ пред Министерството за финансии.

Тие од пред СЈО тргнаа кон Министерството за финансии, револтирани од задолжувањето на државата. Проблем е новото задолжување кое се планира со издавање на петтата по ред еврообврзница од  650 милиони евра. Граѓаните велат дека се задолжуваат нивните деца и внуци и дека ова мора да запре.

„Бараме оставка од актуелната влада на ВМРО-ДПМНЕ и ДУИ и формирање преодна влада која нема безобразно да не` задолжува, туку ќе ги спроведе итните реформски приоритети од извештајот на Прибе и ќе создаде услови за фер избори!“ - објаснуваат демонстрантите.

Ова не  е прв протест во Скопје против задолжувањето на Македонија.