Повеќе од милион Турци дојдоа денеска во Истанбул на голем митинг.

„Собир за демократијата и за мачениците“ е владина иницијатива на која ѝ се приклучија и главните опозициски партии, а официјално беше претставена како предавање дипломи на школата за демократија.

Многу поддржувачи на Ердоган се појавија завиткани во турското знаме, а се собраа на огромниот плоштад Јеникапи.

„Тука сме за да покажеме дека ова знаме нема да се спушти, дека повикот за молитва нема да биде замолчен и дека нашата земја нема да се дели“- вели  Хаџи Махмет Халилоглу (46), еден од демонстрантите од Орду.

Дел од нив носеа и транспаренти на кои пишува „Ердоган, ти си дар од Бога“ и „Нареди ни да умреме и така ќе биде“.

Освен  Ердоган, на митингот присуствуваа премиерот Бинали Јилдирим и лидерите на опозицијата.

Настанот го обезбедуваа 15.000 полицајци. Некои медиуми прогнозираа дека на митингот може да се појават околу 3.5 милиони луѓе.