Турскиот претседател, Реџеп Таип Ердоган ја вратил власта, а вчерашниот обид за воен удар е неуспешен.

Според провладината турска агенција Анадолу, билансот на жртвите од вчерашниот неуспешен воен удар во Турција изнесува утринава 90 загинати и 1.154 ранети. Околу 200 војници се во генералштабот на армијата и им се предадоа утринава на властите.

Војската утрово го ослободи и шефот на турската војска, генералот Хулуси Акар. Тој беше затворен во една воена база блиску до Анкара и однесен на безбедно место.

Ердоган триумфално се врати на аеродромот во Истамбул околу 3 часот наутро и изјави „Ниту една моќ не е посилна од волјата на народот” и додаде дека одговорните за воениот удар ќе ја платат цената на ова предавство. Претседателот додаде дека овој воен удар ќе дозволи „чистење на армијата”.

Неколку часа од ноќеска Турција беше во хаос.