Луѓето во бугарскиот град Варна формираа најдолг синџир со своите тела.

Со ова тие постигнаа рекорд за Гинис. Над 4.000 луѓе се собраа на Јужната плажа во Варна и со своите тела го направија најдолгиот жив ДНК синџир во светот. Со тоа тие го соборија рекордот на Гинис, поставен во турската престолнина Анкара во 2013-та година. Организатор на настанот е Медицинскиот универзитет, а мотото на настанот е „Биди дел од иднината". Сите кои се вклучија во рекордот се наредија така што формираат плетенка синџир, по примерот на структурата на ДНК.

Откако формата беше постигната, стоеја неподвижно 5 минути, а специјален пратеник од Лондон, претставник на Гинисовата книга, го оцени настапот. На крајот на настанот, тој призна дека е постигнат нов рекорд за Гинис.