Чамец со бегалци се превртел во источниот дел на Егејското море, крај северниот брег на островот Кос, а спасувачите досега пронашле само едно тело на бебе, соопштија денеска властите.

Крајбрежната стража навела дека една личност успеала да доплива до обалата и да повика помош.

Преживеаните раскажале деа во чамецот се наоѓале помеѓу шест до десет луѓе, пренесуваат агенциите.

Во потрага по преживеани учествувале чамец на крајбрежната стража, чамец на Фронтекс, хеликоптер и група на волонтери.

Грчкиот источен остров, кој се наоѓа во близина на границата со Турција, е главната рута низ која проаѓаат бегалците за патот кон Европа. Над стотина бегалци го изгубиле животот досега на истата рута.