Стотици имигранти, некои со деца во раце, ги пробиле граничните метални бариери и полицискиот кордон и влегле од Словенија во Австрија.

Неколку лица се онесвестиле по патувањето недалеку од граничниот премин Шентил.

Од словенечка страна во моментов чекаат блокирани уште околу 4.000 луѓе.

Австриските власти имаат големи проблеми со прифаќањето на илјадниците мигранти кои пристигнуваат секојдневно од Блискиот Исток, Азија и Африка.

Во четвртокот бегалците, нервозни што со часови чекале на студот, се обидоа да ја прескокнат оградата, и да ја пробијат полициската бариера за да ја преминат границата. Некои од нив успеаја, но другите беа запрени од австриската полиција.

Речиси 105 000 луѓе влегле во Словенија во изминатите две недели.