Соседна Србија може да се пофали со еден од најдобрите автопати во регионот. За него цела нација, како што посочи и самиот Александар Вучиќ, сонувале седумдесет години.

Со огномет, громогласен аплауз и игра вчера во употреба е пуштен автопатот „Милош Велики“.

Делницата од Коридорот 11 од Обреновац до Прелијна официјално е отворена во присуство на претседателот на Србија Александар Вучиќ.

На патниците така, од 23ч, им станаа достапни 103 километри нов автопат, со што патувањето до Западна Србија, Црна Гора , БиХ ќе биде значајно олеснето.

Вучиќ при свеченоста најави нови автопати, пруги, со самото тоа и нови инвестиции, јакнење на економијата и значаен поттик на стандардот на граѓаните.

-Овој пат е метафора на успехот на сите нас, а тоа се и важни вести за граѓаните на Србија дека после 17 години го отвораме автопатот Милош Велики-порача Вучиќ на отворањето.