Шарената револуција со порака дека „Не можеш да убиеш идеја“ ја обои Македонската Информативна Агенција .

 Видливи траги од боја беа видливи пред самиот влез на Агенцијата а на ѕидовите може да се забележат испишани графити

„Неможеш де убиеш идеја“, „Пукај џабе ти е“...  е испишано на зградата на МИА.

„Вие имате куршуми, ние имаме идеи. Не можеш да убиеш идеја. Не можеш да запреш идеја. Не можеш да скриеш идеја“, и порачаа од „Шарената револуција“.

Ова боење е резултат на коментарот на дописникот на МИА од Брисел Бобан Нонковиќ, кој вчера коментираше на Фејсбук дека треба да се користат вистински куршуми за демонстрантите, наместо гумени, како што порача директорката на Театар Комедија, Јелена Жугиќ. Демонстрантите синоќа напишаа „Пукај бе Боби, пукај“.