Пред Владата заврши протестот против одлуката на шефот на државата, Ѓорге Иванов да аболицира политичари, а пред Собранието заврши собирот организиран од ГДОМ.

Првите бараат лидерот на ВМРО-ДПМНЕ, Никола Груевски и Иванов да си заминат од политичката сцена, а од ГДОМ бараат избори на 5 јуни и објавија „Проглас за Македонија“ со барања од кои  не отстапуваат.

Протестите беа мирни, а пред Владата демонстрантите истурија боја.

Поддржувачи на „Протестирам“ протестираа во Куманово, Кавадарци, Штип и Битола.

Утре ќе протестираат Албанци против одлуката на Иванов за помилување.

Лидерската средба која утре требаше да се одржи во Виена е откажана, а во меѓувреме се најавува дека ЕУ може да воведе санкции за Македонија.