(ФОТО) Повторно судири во Атина-протестот ескалира, земјата парализирана!
Блокирани патишта, граници, пристаништа и трактори во центарот на Атина - таква е ситуацијата денес во Грција.
Атина повторно станува арена на борби меѓу демонстранти и полиција.
Незадоволни фармери влегоа во судир со полицијата пред зградата на Министерството за земјоделство.
Демонстрантите запалија контејнери, а полицијата употреби солзавец.
За денеска на плоштадот "Синтагма" во Атина е планиран голем национален протест на фармери од сите краеви на земјата поради планирани даночни и пензиски реформи. Протестираат уште лекари, адвокати и други слободни професии.
Соседната држава е под блокада поради голем национален протест на земјоделците, кои се незадоволни поради даночните и пензиските промени во секторот.
Досега во центарот на градот се собрале околу 3.000 лица.
Поради новиот бран на незадоволство во земјата, на Грција повторно се заканува излез од Еврозоната. Доверителите ја обвинуваат Атина во забавување на клучната пензиска реформа.
Се очекува да има блокада и на граничните премини со Македонија. Родните власти се надеваат дека земјоделците ќе го испочитуваат постигнатиот усен договор и ќе има часови во кои ќе пропуштаат автомобили и камиони.
Слично
Поврзани вести
