(ФОТО) МОСТОТ УНИШТЕН, А СЕЛОТО ПОДЕЛЕНО НА ТРИ ДЕЛА: Мештани и туристи се отсечени во делови од Црна Гора
Штети од поплавите има и во Црна Гора. Поплави ја погодија и оваа балканска држава, поради што туристи и мештани се отсечени.
Југослав Јакиќ, претседателот на општина Шавник, на својот Фејсбук профил објави фотографии и видео со објаснување дека излеаните реки направиле големи штети.
„Поради огромното количество врнежи се излеаја реките Комарница и Грабовица, што предизвика огромни штети во селото Комарница и на територијата на паркот на природата Драгишница и Комарница. Сите надлежни екипи се на терен и ја следат состојбата и им пружаат помош на жителите“, објасни Јакиќ.Во петокот реката Комарница однела два моста во селото, помошни објекти, го променила текот, го поплавила езерцето, имотите, а околу четириесетина мештани и туристи се отсечени во горниот дел на селото. Вториот мост е скоро уништен, па селото било поделено на три дела.
Невреме деновиве ги зафати повеќето држави од регионот. Босна помина најлошо и таму има над 20 жртви, како и голема материјална штета. Најлоша е состојбата во Јабланица.
Слично
Поврзани вести
