Само неколку недели откако излезе последниот модел Gallardo, од Lamborghini го покажаа за прв пат автомобилот кој ќе го заземе неговото место - Huracán . Судејќи според првичните слики и карактеристики, познавачите на пазарот велат дека почетокот е добро. Huracán е дизајниран од „нула“ , а првата верзија LP 610-4 е управувано од 5.2 -литарски V10 мотор со максимална моќност од 600 коњски сили. Автомобилот ќе забрзува од 0 до 100 км / ч за 3,2 секунди , а максималната брзина ќе биде 320 км/ч. Во однос на стилот автомобилот е препознатливо Lamborghini и не се разликува многу од Gallardo . На пазарот sепак има многу одлични модели на Ferrari , како и на McLaren , Porsche и Aston Martin. Оттука допрва ќе треба да се види кој ќе му биде конкурент на Huracán . Моделот Gallardo беше претставен на Женева во 2003 година , а од него се произведени 14 000 парчиња . Тие сочинуваат половина од сите  Lamborghini . Новиот модел ќе дебитира на автомобилскиот саем во Женева во март . Првите испораки на моделот може да се очекуваат во пролетта на 2014 година ,а цената засега не е објавена.