Терористичката организација на Исламската држава (ИСИЛ) го нарече турскиот претседател Реџеп Таип Ердоган издајник, бидејќи им дозволил на Американците да користат воздухоловна база за напади против неа.

Во видео-порака, објавена на Твитерм ИСИЛ ги повикал муслиманите во Турција да ги поддржат и да се борат против „крсташите, атеистите и тираните“.

Како  што пренесува агенцијата АП, на снимката се види џихадисти од ИСИЛ, во друштво на уште двајца, кој на турски го обвинил Ердоган што дозволил САД „да го бомбардираат народот на исламот“.

Минатата недела во турска воздухопловна база се допремени шест борбени авиони Ф-16, кои учествуваат во мисијата против ИСИК во Сирија. АП додава дека не може од независни извори да ја потврди веродостојноста на снимката, која, меѓутоа, наголемо ја „споделуваат“ следбениците на ИСИЛ преку социјалните мрежи.