Дожд, поплави и снег има во делови од Грција. 

Еден загинат има од грмотевици, а снег во неделата падна на планината Олимп. Во земјата има и голем пад на температурите. 

Според Атинската национална опсерваторија лошото време во Грција ќе продолжи барем уште два дена, како најзасегнати ќе бидат јужните и западните делови на земјата. 

Еден алпинист е во неизвесност на Олимп. Во исто време во гратчето Амфилохија 45-годишен маж е убиен од грмотевица. Урагански ветер го зафати реонот на Рио-Антирио (во близина на градот Патра во Пелопонез) и ги искинал јажињата на два ферибота. 

Слично време со дожд и ветер се очекува и за утре. 

Ова е циклонот Медуза кој се јави по неколку топлотни бранови во Грција.