Гори дел од Хрватска, а армијата се бори против огнот кој се шири. 

Три канадери и три авиони од типот „Ертрактор“ се ангажирани кај Метковиќ и Ќилипи кај Дубровник, како и Оребиќ на полуостровот Пељешац.

Ангажирани се и копнени сили со 52 војници и седум моторни возила, додека кај Оребиќ има 50 припадници со шест моторни возила. 

„Во моментов приоритет ни е пожарот над аеродромот во Дубровник. За крајот на сезоната имаме голем број пожари, а бурата ни го отежнува гасењето и предизвикува проблеми со летањето. За среќа, денеска ситуацијата е помирна и верувам дека ќе успееме да ги изгасиме сите пожари“- изјави Томислав Славиќ од службите кои два дена учествуваат во гасењето на пожарите.

По долго топло лето, во септември температурата во земјата падна на -2 степени.