Остатоци од римски брод од времето на Исус Хритос се пронајдени недалеку од грчкиот остров Кефалонија со околу 6000 добро зачувани садови кои служеле за транспорт на вино и храна.

Бродот од 33 метри би можел да донесе нов увид во некогашните поморски трговски патишта на Старите Римјани, пренесеоа грчките и светските медиуми.

Εντυπωσιακό... Εντοπίστηκε ναυάγιο στο Φισκάρδο από την εποχή... του Ιησού Χριστού. Εικόνες https://t.co/tcOxC476ca pic.twitter.com/g3XRCplg15

— edwzeis (@edwzeis1) December 11, 2019

Како што се наведува, остатоците се пронајдени со помош на сонарна опрема во близина на Фискардо, пристаниште на северот од Кефалонија а се смета дека датира помеѓу првиот век пред новата ера и првиот век од новата ера.

Товарот кој го пренесувал бродот може да се види на морското дно и тоа во прилично добра состојба.

Се работи за илјадници амфори кои векови поминале полузакопани во песок.

Βρέθηκε ρωμαϊκό ναυάγιο στο Φισκάρδο με 6.000 αμφορείς,https://t.co/EhAPPIxQDe,

— anatropinews (@anatropi_news) December 11, 2019

Овие остатоци се едни од најголемите пронајдени во Средоземното море, но и најголеми на истокот од Медитеранот.

-Делумно е под песок, но се надеваме дека во иднина ќе можеме да ископаме цел древен труп-рекол Џорџ Ферентионос од Универзитетот во Патра.

Фото: anatropinews.gr