Со лански цени, грчките трговци и угостители ги дочекаа гостите во оваа лета сезона. Дел од нив велат дека и покрај зголемените давачки, решиле да не ги поскапуваат услугите.

Така, цената на популарното гиро, во поатрактивните места на првиот крак Касандра, се движи од 2,2 до 3 евра. За две лежалки и еден чадор на плажа треба да се направи промет од 3,5 до 4 евра по човек. Порција тестенини во ресторан чини од осум до десет евра. Најевтината кутија цигари се наплаќа 3,5 евра. Маслиновото масло се продава од пет до десет евра, во зависност од брендот и литражата. Лименка газиран сок во продавниците може да се купи од 0,70 до 0,80 евра.

Во продавниците, лебот се продава од 0,70 евра  до 1 евро, млекото од 1,20 до 1,60 евра, колограм прски чини 1,80 евра а килограм лубеница 0,80 евра.

Кафето може да се купи и за едно евро доколу е за “носење“, додека нескафе на плажа ќе ве чини од 2,5 до 4 евра. Цената на коктелите се движи од 7 до 10 евра. Фамилијарна пица на некои од местата се нуди по десет евра. Порција морска риба или салата од морски плодови може да се купи по цена од 9 до 12 евра.