Претседателот на Турција,  Реџеп Таип Ердоган е вратен во Истанбул при што изјави дека Владата ја ставила ситуацијата под контрола, откако војска се обиде да изврши државен удар.

Ердоган се закани дека организаторите на обидот за државен удар ќе одговараат за предавство.

Во нередите синоќа над 336 лица се уапсени, а 60 се убиени, откако војската се обиде да изврши државен удар. На улиците имаше пукотници во текот на ноќта, пренесуваат дел од медиумите.

„Тие се обидоа со оружје да ги свртат луѓе против луѓе. Јас како претседател има 52% поддршка од народот. Оваа Влада владее благодарение на огромната поддршка на народот. Тие нема да успеат во својата намера, се додека стоиме и ќе стоиме против нив ако треба ќе ризикуваме се“ - изјави  Ердоан, утрово слетувајќи на аеродром.

Ердоган кажа дека оние „кои го планирале обидот за државен удар ќе ја платат највисоката цена и ќе одговорат за тоа предавство“, пренесе NewEurope.

Владата смета дека обидот за пуч е предизвикан од следбениците на духовникот Фетхулах Ѓулен, кој живее во САД.

Ердоган го осуди Ѓулен, кој е обвинет за водење на терористичка организација и за обид да ја сруши демократски избраната Влада. 

Турското Министерство за надворешни работи издаде соопштение дека обидот за државен удар во земјата „бил срушен од единството и солидарноста на турскиот народ“, пишува агенцијата Анадолија.