Една од најспектакуларните фотографии од протестите на студентите денеска беше направена со беспилотно летало (дрон). Организацијата „Студентски пленум“, која стои зад протестите, на Твитер објави дека момчето кое ја направило фотографијата и кое го снимало целиот тек на протестите денеска било приведено во полициската станица во Карпош. По еден час беше објавено дека момчето било пуштено, но снимките му биле одземени со образложение дека не смеел на овој начин да ги снима стратешките објекти - Владата и Собранието. Од полицијата нема информации за овој настан. ФОТО: Фактор